دەزگەهێ خێرخوازییێ بارزانی پرۆژەكێ گرنگ بۆ زارۆیێن ئۆتیزمێ راگەهاند

ئەڤرۆ ئیكشەمبی، 14 ی ئیلۆنا 2025 ێ، دەزگەهێ خێرخوازییێ بارزانی، ب هەماهەنگی ل گەل وەلاتێ ئیماراتێ و ب ئامادەبوونا هژمارەكا بەرپرسێن حکومی، د ڕێورەسمەكێ تایبەت دا دەرچوونا خولا پێنجێ یا قوتابیێن سەنتەرێ ئیماراتێ بۆ ئۆتیزمێ ئەنجام دا”  د وان ڕێوڕەسمان دا پڕۆژەكێ نوو بۆ بەرفرەهكرنا خزمەتگوزارییان بۆ زارۆیێن ئۆتیزمێ هاتە ڕاگەهاندن، ب مەەرما گەهاندنا وان خزمەتگوزارییان بۆ هەموو باژێرێن کوردستانێ و ب رەنگەكێ زانستی و ستانداردێن جیهانی دێ کاركەت.

مووسا ئەحمەد، سەرۆکێ دەزگەهێ خێرخوازییێ بارزانی، راگەهاند ژی: سەرۆک بارزانی ب گرنگیڤە بەرێخۆدایە ڤی پرۆژەیی و زۆر یێ پێخۆشە” هەروەسا، مەسرور بارزانی، سەرۆکێ بۆردێ دامەزرێنەرێ دەزگەهێ خێرخوازییێ بارزانی، ئەو ئاڤاهیێ ژ لایێ وەلاتێ ئیماراتێڤە هاتییە دروستکرن، پێشکێشی دەزگەهێ مە کر” دیسا ئەم شانازییێ ب مامۆستایێن خۆ دکەین كو هەڤكارێن مەنە د ڤان گاڤێن گرنگ دا.

ناڤهاتی گۆت ژی: ئەڤ پڕۆژە ل سۆران دەستپێکرییە د چارچوڤێ کۆمەلگەها دایک دا و ل دەمەكێ نێزیكدا ل ئیدارا سەربەخۆیا زاخۆ ژی دێ دەستپێکەت” هەروەسا مە چەندین سەنتەرێن بچووکتر هەنە ل دەڤەرێن دیتر و هەموو بزاڤێن مە دێ ئەو بن” كو چ باژێرێن کوردستانێ بێبەهر نەبن ژ ڤی پرۆژەیێ گرنگ.

هەروەسا د ماوێ چار سالێن کارکرنێدا، نێزیکی 110 کەسێن پرۆفیشنال د بیاڤێ ڕاهێنانا زارۆیێن ئۆتیزمێ بۆ کوردستانێ هاتینە پێگەهاندن، د داهاتی دا هەر ئێك ژ وان دشێت سەنتەرەكێ ئۆتیزمێ برێڤە ببەن.