<h2 style="text-align: right;">ئەڤرۆ ل دەمژمێر 12ی نیڤرۆ ل بەغدا پشككێشانا ناڤێن كارمەندان بۆ هەلبژارتنێن بهێن یێن پەرلەمانێ عیراقێ دێ هێتە كرن، بەرپرسێ ئۆفیسا دهۆك یا كۆمسیۆنا هەلبژارتنان ڕاگەهاند، ڕێژەیا پتر دێ بۆ خۆدان باوەرنامەیان بیت. خالد عەباس بەرپرسێ ئۆفیسا دهۆك یا كۆمسیۆنا هەلبژارتنان بۆ ئاژانسا خانی دیاركر، كارمەندێن ڕۆژا دەنگدانێ دێ ب ڕێژەیا 75%ێ خۆدان باوەرنامەبن، ب ڕێژەیا 25%ێ ژی دەرچوویێن زانكۆ و پەیمانگەهان بن. ئاشكرا ژی كر، ل پارێزگەها دهۆكێ 27 هزار كەسان ناڤێن خۆ تۆماركرییە، ئەو پێدڤی ب زێدەتری 10 هزار كەسانە، پشككێشانا دێ ل بەغدا ب سیستەمێ ئەلكترۆنی هێتە كرن، پشتی ب دووماهی دهێت دێ لینكەك هێتە ڕاگەهاندن، خەلك دێ ب ڕێیا وی لینكی زانیت كا ناڤێ وان دەركەڤتییە یان نە.</h2>
