ئەڤڕۆ شەمبییێ، 20ـی ئیلۆنا 2025 ێ، مەسرور بارزانی، سەرۆکێ حکومەتا هەرێما کوردستانێ، د ڕێوڕەسمێن ڤەکرنا پارکا سەرهڵدان ل دهۆکێ؛ د گوتارەکێدا ڕاگەهاند: ل ڤان دو ڕۆژێن ئەز ل ڤێرێ، من سەرەدانا هندەك جهێن دیتر کر، ئەز چوومە لایێ سیارەتوکا و زاویتە و سەرسنكێ و ئامێدی و شێخان و شاریا و سكرێ دهۆکێ.
وەلاتێ مە وەلاتەكێ زۆرێ خۆشە، جهێن گەشتیاری یێن خۆش تێدا هەنە” بەلێ خالەك هەیە کو پێدڤییە ل سەر راوەستین، ئەو ژی ژینگەهـ پارێزییە” ب مخابنی ڤە من دیت كو گەلەك كلێش و بەرمایك هاتینە هاڤێتن بۆ سەر جادان، کو ئەڤە ل گەل کلتوورێ مە دا ناگونجیت.”
داخوازێ ژ بەرپرسێن ناڤخۆیی و ئیداری دکەم، پێدڤییە بۆ هەر کەسەكێ كو ژینگەها کوردستانێ پیس دکەت، ڕێکار بەرامبەر بهێنە وەرگرتن و بهێتە سزادان، چونکی ب ڕاستی جهێ قەبوولكرنێ نینە و ئەڤ وەلاتێ پیرۆزە و بهوست بهوست خوینا شەهیدان ل سەر هاتییە رێژتن، ب ڤی رەنگی بهێتە پیسكرن.
