<h2>مەسرور بارزانی سەرۆكێ حكومەتا هەرێما كوردستانێ قوتابخانەیا بنەرەت یا ( گوندێ ئارام ) ل باژێرێ هەولێرێ ڤەكر، كو ئێك ژ وان 29 قوتابخانە و باخچەیێن نوویە یێن حكومەتا هەرێما كوردستانێ ل وی باژێری دروستكرین.</h2> <h2> سەرۆكێ حكومەتێ د گوتارەكێدا كو ل بەردەم مامۆستایێن قوتابخانەیێ پێشكێشكر ڕاگەهاند، ئەو ب دروستكرنا قوتابخانەیەكێ ب ڤی ئاستێ بلند یێ كەیفخۆشە، هیڤیدارە كەرتێ تایبەت ل سەر هاریكاریكرنا وەزارەتا پەروەردێ و دروستكرنا قوتابخانەیێن ب ڤی جۆری یێ بەردەوام بیت.</h2> <h2> دیار ژی كر، جهێ دلخۆشییا وییە كو دبینیت قوتابی ژی و مامۆستا ژی گەلەك دكەیفخۆشن و ئاستێ وان گەلەك یێ بلندە، ئەو گەلەك و گەلەك یێ پشتراستە ب ڤی ڕەوشتێ بلند پاشەرۆژا وەلاتی د دەستێن ئەمیندایە، وی گەلەك هیڤی ب ڤان قوتابییان هەنە، دشێن دەستكەڤتێن گەلەك مەزنتر بۆ خۆ و بۆ وەلاتێ خۆ ب دەستبێخن.</h2> <h2> مەسرور بارزانی ئاماژە ب هندێ دا، هندەك قوتابخانە پێدڤی ب نووژەنكرنێ نە، ئەوان پێدڤی ب دروستكرنا قوتابخانەیێن نوو هەیە، لێ د دەمەكێ كورت دا ئەو شیان ئاستێ قوتابخانەیان ب شێوەیەكێ گەلەك و گەلەك باش بلند بكەن، نەكو ب تنێ وەكو ئاڤاهی و قوتابخانە، بەلكو سیستەمێ پەروەردێ و فێركرنێ و خواندن ب جۆرێ دیجیتالی ( ئی پەروەردە )، ئەڤێ چەندێ كارتێكرنەكا گەلەك مەزن كریە، ئەو دێ ل سەر پێشخستنا كەرتێ خواندنێ و پەروەردێ د بەردەوامبن.</h2>
