نێچیرڤان بارزانی و حەیدەر عەبادی: دڤێت ئاریشەیێن هەولێر و بەغدا ب لێكتێگەهشتنێ بهێنە چارەسەركرن

نێچیرڤان بارزانی سەرۆكێ هەرێما كوردستانێ ل هەولێرێ پێشوازی ل حەیدەر عەبادی سەرۆكوەزیرێن پێشتر یێ عیراقێ و سەرۆكێ هەڤپەیمانییا نەسر كر.

سەرۆكایەتییا هەرێما كوردستانێ ڕاگەهاند، دكۆمبوونا واندا ڕەوشا عیراقێ و هەرێما كوردستانێ، چارەسەركرنا ئاریشەیێ هەولێر – بەغدا و هەلبژارتنێن پەرلەمانێ عیراقێ هاتنە بەحسكرن.

هەروەسا دیاركر، هەردوو لایان دووپاتی ل گرنگییا پاراستنا ئارامی و سەقامگێرییا سیاسییا وەلاتی و چارەسەركرنا ئاریشەیێن هەولێر – بەغدا ب لێكتێگەهشتێ كر، هزر و بیر ل دۆر پاشەرۆژا سیاسی و هەلبژارتنێن عیراقێ و پشكدارییا هێز و لایەنێن سیاسی و پێكهاتەیێن عیراقێ هاتنە لێكگوهارتن.