80%ێ یا داهاتێ عیراقێ بۆ مووچەییە

شارەزایەكێ ئابووری ل دۆر داهاتێ عیراقێ ئاشكراكر، ژ سەرجەمێ داهاتێ سالانە، نێزیكی 80 تریلیۆن دیناران بۆ مووچەیێ فەرمانبەر و خانەنشینان و تۆرا پاراستنا جڤاكی دهێنە خەرجكرن.

حەیدەر شێخ شارەزا دبیاڤێ داهاتێ پەترۆلی و ناڤخۆ یێ عیراقێدا ئاشكراكر، داهاتێ فرۆتنا پەترۆلا عیراقێ ل 10 هەیڤێن بووری، 89 تریلیۆن دینار بوون، پێشبینی دهێتەكرن هەتا دووماهییا ئەڤسالە بگەهیتە 105 تریلیۆن دیناران.

سەبارەت داهاتێ نەپەترۆلی دیاركر، داهاتێ نەپەترۆلی هەتا دووماهییا ئەڤسالە دێ گەهیتە 13 تریلیۆن دیناران.
ئاماژە ب هندێ دا نێزیكی 80 تریلیۆن دیناران ژ سەرجەمێ داهاتێ سالانە بۆ مووچەیێ فەرمانبەر و خانەنشینان و تۆرا پاراستنا جڤاكی دهێتە خەرجكرن، ئەوا د مینیت ژی دچیتە گەنجینەیا گشتییا دەولەتێ.