نێچیرڤان بارزانی سەرۆکێ هەرێما کوردستانێ” ب هەلكەفتا هاتنا سالا نوو پەیامەك بەلاڤكر و تێدا هاتییە”
ب هەلکەفتنا هاتنا سالا نوو یا زایینی (2026) ێ، گەرمترین پیرۆزباهیان ل کوردستانییێن خۆشتڤی ب هەمی پێکهاتەیێن وێ ڤە، ل مالباتێن سەربلندێن شەهیدان، پێشمەرگەیێن قەهرەمان، هێزێن ئەمنی و هەمی گەلێن عێراقێ و جیهانێ دکەم” هیڤیدارم سالا نوو، ببیتە سالا بجههاتنا هیڤیان، ب دووماهی هاتنا قەیرانان و ڤەبوونا دەرگەهێن خێر و خۆشیێ بۆ هەموویان.
بلا هاتنا سالا نوو بکەینە دەلیڤەک بۆ ڤەکرنا لاپەرەکێ نوو کو تێدا ناکۆکییان بدەینە لایەکێ و گیانێ تەباییێ، لێبۆرینێ و ئێکڕیزییێ د ناڤبەرا هەمی هێز و ئالییێن سیاسی و پێکهاتەیان دا سەردەست بیت” هێزا مە د قەبوولکرنا ئێکودو، پێکڤەژیان و پێکڤەکارکرنێ دایە، کو ب تنێ ئەڤە گرەنتیا پاراستنا دەستکەفتێن مە و مسۆگەرکرنا مافێن مە یێن دەستوورییە.
ل سەر ئاستێ عێراقێ ژی، هیڤیدارین سالا نوو سالا چارەسەرکرنا بنەرەتی یا کێشەیان بیت ل سەر بنەمایێ دەستووری و هەڤپشکیا راستی” هەرێما کوردستانێ وەک هەردەم بەرهەڤە بۆ گۆتوبێژ و لێکتێگەهشتنێ” وەک هەردەم دێ فاکتەرێ تەناهی و سەقامگیریێ بیت د دەڤەرێ دا و ل هەر جهەكێ جیهانێ بیت ب هەمی شێوەیان پشتگیریا ئاشتیێ دکەت.
کوردستانییێن خۆشتڤی،
بلا ب ئۆمێد و گەشبینیڤە بەرێ خۆ بدەینە پاشەرۆژێ” هەوە پشتراست دکەین کو دێ هەمی هەولێن خۆ مەزێخین دا کو سالا 2026 ێ، ببیتە سالا چەسپاندنا سەقامگیریێ و باشترکرنا ژیانا وەلاتییان” مە باوەری ب شیان و وزەیا گەنجان و دلسۆزیا گەلێ کوردستانێ هەیە بۆ ئاڤاکرنا پاشەرۆژەکا گەشتر.
سالا نوو ل هەوە هەمییان پیرۆز بیت، هەر شاد و سەرفراز بن.
