ل دۆر ڕه‌وشا ڕۆژئاڤایێ، په‌رله‌مانێ عیراقێ دێ وەزیرێن بەرگرییێ و ناڤخۆ داخواز كه‌ت

عەدنان فەیحان دلێمی، جێگرێ ئێکێ یێ سەرۆك پەرلەمانێ عیراقێ ڕاگەهاند، حەفتییا بهێت پەرلەمان دێ هەرئێك ژ وەزیرێن بەرگری و ناڤخۆ و سەرکردەیێن دەزگەهێن ئێمناهییێ ب مەرەما دویڤچوون و دانوستاندن ل سەر ڕەوشا سنوورێن عیراقێ دگەل سووریا داخواز كه‌ت.
د كۆمبوونا په‌رله‌مانیدا دێ بەحسی بهێزكرنا سنوورێن عیراق و سووریا هێتەكرن، ب تایبەت پشتی ڕەڤینا ژمارەکا زیندانیێن داعش ژ زیندانێن نێزیك سنووری.
جێگرێ سەرۆکێ پەرلەمانی داخواز ژ هەموو هێزێن نشتیمانی و سیاسی کر ، هەلویستێن خۆ بكه‌نه‌ ئێك و بەرژەوندیا بلند یا وه‌لاتی بکەنە پێشینە، بۆ پیچكرنا هەر بزاڤەکا تێکدانا ئاسایش و ئێکەتییا عیراقێ.