<h2>بڕیارە ئەڤرۆ ئێکشەمبی، 25ی کانوونا دووێ یا 2026 ێ، پەرلەمانێ عێراقێ بۆ گەنگەشەکرنا رەوشا سنۆرێن عێراق و سووریێ و بەرهەنگاربوونا ئالنگاریێن ئەمنی یێن دەڤەرێ کۆمببیت.</h2> <h2> ل دو,ڤ کارنامەیا پەرلەمانی، د روونشتنێ دا دێ مێهڤانداریا هەر ئێک ژ وەزیرێن بەرەڤانییێ و ناڤخۆ، ل گەل سوپاسالارێ عێراقێ هێتە کرن" بڕیارە بەرپرسێن بلندێن ئەمنی رۆنکرنێن پێدڤی ل دۆر رەوشا ئەمنی و ئامادەباشیا هێزان بۆ سەرەدەرییێ دگەل هەر گەفەکا پاشەڕۆژێ پێشکێش بکەن.</h2> <h2> کۆمبوونا پەرلەمانی هەڤدەمە دگەل نەجێگیریا رەوشا ئەمنی ل سووریێ" د ماوێ بوریدا ژ ئەگەرێ پێکدادانان د ناڤبەرا هێزێن سوورییا دیموکرات (هەسەدە) و سوپایێ سووریێ دا، ب سەدان چەکدارێن داعشێ ژ زیندانێن حەسەکە، دێرەزوور و رەققە رەڤینە" ئەڤ چەندە بوویە ئەگەرێ نیگەرانیەکا جددی ل عێراقێ.</h2> <h2> وەکی پێنگاڤەکا بەروەخت، حکومەتا عێراقێ ب هەماهەنگی دگەل هێزێن ئەمریکا، دەست ب ڤەگوهاستنا هزاران زیندانیێن گوماناوی یێن داعشێ ژ سووریێ بۆ ناڤخۆیا وەڵاتی کریە" د قووناغا ئێکێ دا 150 زیندانی هاتینە ڤەگوهاستن و دهێتە چاڤەڕێکرن ژمارە بگەهیتە 7,000 کەسان. بەرپرسێن عێراقێ ئەڤ پێنگاڤە وەکی "رێکارەکێ بەروەخت" بۆ پاراستنا ئاسایشا نەتەوەیی بناڤکریە.</h2>
