مەسرور بارزانی سەرۆكێ حكومەتا هەرێما كوردستانێ دپەیوەندییەكا تلەفۆنیدا پیرۆزباهی ل نووری مالكی كر، پشتی بۆ پۆستێ سەرۆكوەزیرێن عیراقێ هاتییە كاندیدكرن.
سەرۆكێ حكومەتێ زێدەباری پیرزباهییێ، هیڤییا سەركەڤتنێ ژ پێخەمەت دەستپێكرنا قووناغەكا نوو بۆ خزمەتكرنا هەموو وەلاتییێن عیراقێ و چارەسەركرنا ئاریشەیێن دناڤبەرا هەرێما كوردستانی و حكومەتا فیدرالدا ل سەر بنەمایێ دەستووری و ڕێزگرتن ل قەوارەیێ فیدرالییێ هەرێما كوردستانێ خواست.
