وەزارەتا دەرڤە یا ئەمریکا ڕاگەهاند، مارکۆ روبیۆ، وەزیرێ دەرڤەیێ ئهمریكا ب تەلەفۆنێ دگەل محەمەد شیاع سوودانی، سەرۆکوەزیرێن عێراقێ ئاخڤتییه.
ل دووڤ ڕاگەهاندنێ، وەزیرێ دەرڤەیێ ئهمریكا بۆ کۆنترۆلکرنا چەکدارێن داعش دەستخۆشی ل بزاڤێن بەغدا کریە و ل دۆر پێکئینانا حکومەتا نوو هۆشداری دا لایەنێن عێراقی و گۆتێ، حکومەتەك ژ لایێ ئیرانێ ڤە بهێتە کۆنترۆلکرن، نەشێت هەڤپەیمانییا دناڤبەرا بەغدا و واشنتۆنێ دا بەرەف پێش ببەت.
هەروەسا ل دووڤ ڕاگەهاندنێ، وەزیرێ دەرڤەیێ ئەمریکا و سەرۆکوەزیرێن عێراقێ بەحسی بزاڤێن دپلۆماسی یێن بەردەوام کر بۆ هندێ کو وهلات ب زویترین دەم وهلاتییێن خۆ یێن دەستەسەرکری ل عیراقێ وەربگرنەڤە و ڕادەستی دادگەهێ بکەن.
