دەزگەهێ خێرخوازییێ بارزانی کاروانەکێ نوو یێ هاریکارییان گەهاندە رۆژئاڤایێ کوردستانێ

دەزگەهێ خێرخوازییێ بارزانی کاروانەکێ دییێ هاریکارییان گەهاندە رۆژئاڤایێ کوردستانێ، کو پێکدهات ژ بڕەکا مەزن یا سۆتەمەنیێ، کەرەستەیێن خوارنێ و پێدڤیێن ناڤمالێ” ئەڤ کاروانە د دەروازێ سنوورییێ پێشابیرێ را دەرباز بوویە.
هەروەسا ئەو هاریکاری پێکدهاتن ژ سۆتەمەنیێ بۆ گەرمکرنێ د وەرزێ سەرمایێ دا، دگەل سەبەتەیێن خوارنێ و کەرەستەیێن ساخلەمیییێ.
ئەڤ بزاڤە وەک پشكەک ژ ستراتیژیا دەزگەهێ خێرخوازییێ بارزانی دهێت بۆ ل هەوارهتنا ب لەز و دابینکرنا پێدڤیێن ژیانێ بۆ وەلاتیێن رۆژئاڤایێ کوردستانێ و تیمێن دەزگەهی ل دەروازێ پێشابیرێ دیار کر کو ئەو دێ بەردەوام بن ل سەر گەهاندنا هاریکارییان بێی جوداهی، ب مەرەما کێمکرنا بارگرانیێ ل سەر ملێن خێزانان و باشترکرنا رەوشا مرۆڤی ل رۆژئاڤا.
دەزگەهێ خێرخوازییێ بارزانی پێشتر ژی چەندین کاروانێن مەزن یێن دەرمان و هاریکارییێن لۆجستی گەهاندینە رۆژئاڤایێ كوردستانێ.