رۆژا شەمبی دەمژمێر 12:01 شەڤ ب دەمێ واشنتن (08:01 سپێدێ ب دەمێ كوردستانێ) دووماهی دەلیڤە بوو بۆ وێ چەندێ کۆنگرێسێ ئەمریکا بودجەیا 2026ـێ پەسند بکەت، بەلێ دیموکرات و کۆماری نەگەهشتنە رێککەفتنێ و ژبەر هندێ حکومەتا ئەمریکا هاتە دائێخستن. ئەڤ دائێخستنە هەموو حکومەتێ ڤەناگریت، ب تنێ كارتێكرن ل سەر پشکەك ژ دهزگههێن وێ دکەت.
دهێتە چاڤەڕێکرن… د ڕۆژێن بهێتدا جڤاتا نوونەرێن ئەمریکا کۆمببیت و رێککەفتنەکێ پەسند بکەت کو جڤاتا پیران پشتهڤانییێ لێ دکەت، ئەڤە ژی هیڤیا وێ چەندێ چێدکەت کو ببیتە ئەگەرێ ڤەکرنا حکومەتێ.
ئەڤ ڤهقهتیانا د بودجەیدا پشتی شکەستنا دانوستاندنان هات، کو ئەگەرێ وێ تووڕەبوونا دیموکراتان بوو ل سەر کوشتنا دوو خۆپیشاندەران ل باژێرێ مینیاپڵس ل ویلایەتا مینیسۆتا، ژ لایێ پۆلیسێن (ICE) یێن تایبەت ب بهرههنگاربوونا کۆچبەران، ئەڤێ چەندێ ژی دانوستاندنێن دەربارەی تەرخانکرنا پارەیێ نوی بۆ وەزارەتا ئاساییشا نیشتمانی پەکخستن.
دووماهی جار ل رۆژا 01-10-2025 ب ئەگەرێ ناکۆکیێن کویر د ناڤبەرا کۆماری و دیموکراتاندا و رێکنەکەفتنا کۆنگرێس و كۆچكا سپی ل سەر بودجەی، حکومەتا ئەمریکا هاتبوو دائێخستن.
