ئیمارات: دێ ل سەر پشتەڤانی و هاریكاریێن خۆ بۆ هەرێمێ د بەردەوام بین

مەسرور بارزانی سەرۆكێ حكومەتا هەرێما كوردستانێ ل دوبەی، دگەل محەممەد قرقاوی وەزیرێ کاروبارێن جڤاتا وەزیرێن ئیماراتێ و سەرۆکێ گوپیتكا جیهانییا حکومەتان کۆمبوو.
د کۆمبوونێدا، سەرۆکێ حکومەتێ پیرۆزباهییا سەرکەڤتنا گوپیتكێ ل محەممەد قرقاوی کر، کو ئەڤرۆ وەكو ئێك ژ گرنگترین کۆنفڕانسێن جیهانی دهێتە نیاسین، هەروەسا سوپاسییا پشتەڤانییا بەردەوام یا دەولەتا ئیماراتێ کر کو وەکو نموونەیەکا پێشکەڤتی یا حوکمرانی و ئابووری دهێتە نیاسین.
هەروەسا وەزیرێ ئیماراتێ سوپاسییا پشكداری و ئامادەبوونا سەرۆکێ حکومەتێ د گوپیتكێدا کر، دووپاتی ل بەردەوامییا پشتەڤانییا وەلاتێ خۆ بۆ هەرێما کوردستانێ د بیاڤێن جودا دا کر.
ئاماژە ب پلاتفۆرمەکێ قانوونی هاتەکرن کو بڕیارە ل ڤان نێزیكان بکەڤیتە د بوارێ بجئینانێدا، وەکی بجهئینانا پشکەك ژ وێ یاداشتا لێکتێگەهشتنێ یا د ناڤبەرا هەردو لایاندا دا هاتییە ئیمزاکرن.