كلۆپی گاڤەکا گرنگ بەرەف یانەیا ریال مەدریدڤە هاڤێژتییە

یۆرگن کلۆپ، راهێنەرێ ناڤدار یێ ئەلمانی” كو پێشتر راهێنەرێ یانا لیڤەرپوول یا ئینگلیزی بوو، گاڤەکا گرنگ بەرەف یانەیا ریال مەدرید دهاڤێژیت و ڤێلایەکێ ل ئیسپانیا دکڕیت.

لدووڤ نووچەیێن میدیایێن ئیسپانیا، یۆرگن کلۆپ ڤێلایەکا شاهانە ل مایۆرکا ب بهایێ 4 ملیۆن یۆرۆیان کڕییە” ئەڤ ڤێلایە ب تنێ ئێک دەژمێرێ ژ یاریگەها سانتیاگۆ بێرنابیۆ دوورە.

سایتێ “دێفێنسا سێنتڕال” یێ ئیسپانی نڤێسییە: کلۆپی بڕیاردایە ل ئیسپانیا بژیت، وی چەندین جاران ئاماژە ب هندێ دابوو کو ئەڤە خەونا وییە، پێشتر گوتبوو، خەونا ژیانا من ئەوە من خانییەک ل باشوری هەبیت، من حەز ل سەقایێ وێ، ئاڤ و هەوا و خەلکێ وێ هەیە “کلۆپ ل وێرێ جهگیر بوویە و یاریێن پادل، تێنس و جۆرەکێ سکواشێ دکەت.”

دەنگۆیێن پەیوەندیکرنا ڤی راهێنەرێ ئەلمانی ب یانەیا ریال مەدرید ڤە گەلەک زێدەتر لێ دهێن، ئەڤە دەمەك درێژە ناڤێ وی ب یانەیا شاهانە ڤە دهێتە گرێدان.

میدیایێن ئیسپانیا دبێژن: ل سەر داخوازا راستەوخۆ یا فلۆرێنتینۆ پێرێزی، ستێرا پێشتر یا ریال مەدرید تۆنی کروس دو جاران ل گەل یۆرگن کلۆپی ئاخڤتییە، داکو پۆستێ راهێنەرایەتیا وێ یانەیێ وەربگریت.”