<h2>نێچیرڤان بارزانی، سهرۆكێ ههرێما كوردستانێ ب ههلكهفتا 73ـێ سالییا دامەزراندنا ئێكهتییا قوتابیان و لاوێن دیموکراتا کوردستانێ پهیامهك بهلاڤكر و ڕاگههاند، پیرۆزباهییێ ل ههموو قوتابی و لاوێن کوردستانێ دکەم، هیڤییا سەرکەفتنا بەردەوام بۆ خەباتا وان یا نوو د خزمەتکرنا ڤان هەردوو چینێن گرنگ یێن جڤاکی خواست.</h2> <h2>سهرۆكێ ههرێما كوردستانێ دیاركر، هەردوو ڕێکخراوێن تێکۆشەر یێن قوتابی و لاوان، وەك دیرۆكا وان یا درێژ و پڕ ژ سەروەری، دبن ئێك چەتر دا کارێن خۆ دكهن، ئەڤ ئێكگرتنه و زڤرین بۆ خەباتا هەڤپشك، گاڤەکا گرنگ و سەردەمیانەیە بۆ کۆمکرنا وزە و شیانان ژ پێخەمەت خزمەتەکا باشتر.</h2> <h2>دیار ژی كر، ئەو شانازییێ ب وان ڕۆژان دكهت یێن کو د ڕێزێن ڤێ قوتابخانەیا نشتیمانیدا کارکری، دگهل وان فێری بەرپرسیاریەتی و دلسۆزییا نشتیمانی بووینه، کو هەردەم وەك ناڤەندەکا گرنگ د پێگههاندنا سەرکردە و کادرێن لێهاتی ڕۆلێ خۆ دیتییە.</h2> <h2>نێچیرڤان بارزانی گۆت: لاو و قوتابی، بڕبڕەیا پشتا پاشەڕۆژا کوردستانێ نە، ئهو وەك هەردەم ب هەموو ڕەنگان پشتهڤانییا شیانێن لاو و قوتابی دکەن، داکو ب دیتنەکا نویخوازانە و داهێنەرانە پشکدار بن د ئاڤاکرنا ئەڤڕۆ و پاشەڕۆژەکا باشتر بۆ کوردستانێ.</h2>
