دو جاران هێرشکرە سەر فرۆکخانا هەریرێ

د رۆژا دووێ یا جەنگێ ئەمریکا و ئیسرائیلێ دگەل ئیرانێ دا، ئەڤرۆ دو جاران هێرشکرییە سەر فڕۆکخانا قەزا هەریر ل پارێزگەها هەولێرێ، قایمقامێ وێ قەزایێ دبێژیت: “هێرش ب هەڤبەرکرن دگەل یێن بەری نوکە ب هێزتر بوو.”

شێروان جەلال، قایمقامێ هەریرێ گۆت ژی: “هێرشا ئێکێ ل دەمژمێر 04:43ی سپێدەهیا ئەڤرۆ ئێکشەمبی بوو، و هێرشا دووێ ژی ل دەمژمێر 08:15 بوو.”

ژ ئەگەرێ وان هێرشان دوکێل ل ئەسمانێ وێ قەزایێ دهێتە دیتن. قایمقامێ هەریرێ دیار کر: “هەردو هێرشێن ل سەر فڕۆکخانا هەریرێ چ زیانێن گیانی نەبووینە.”