ئهڤرۆ ئێكشهمبی ١ی ئادارا ٢٠٢٦ێ ب ڕاسپاردێن وهزارهتا ناڤخۆ یا حكۆمهتا ههرێما كۆردستانێ و ب سهرپهرشتیا، “ماجد سهید سالح” ل شوینا پارێزگارێ دهۆكێ و ب ئامادهبوونا قایمقامێن قهزایێن سنۆرێ پارێزگهها دهۆكێ و هژمارهكا ڕێڤهبهرێن دامۆدهزگایێن ئێمناهییێ و خزمهتگۆزاری، كۆمبوونهكا تایبهت ل دور ڕهوشا گشتییا ههرێما كۆردستانێ و نووترین پێشهاتێن دهڤهرێ هاته ئهنجامدان و تێدا بهحسێ ئامادهكاریێن دابینكرنا سلامهتیا وهلاتیان د ههر رەوشەكا نهچاڤهرێكریدا و چاڤدێریا بازاری و سهرجهم پێدڤیێن وهلاتیان و ڕێگریكرن ل وان جهێن رەوشا نوكه ب دهرفهت دبینن و كهلۆپهلان ب گرانی د فروشن ههروهسان جهێن بهایێن سوتهمهنیا گران دكهن هاته كرن.
سهبارهت ڕهوشا كارهبا ٢٤دهمژمێری كۆ ژ سهدهمێ شهڕ و ناكۆكیێن دهرهكی و سنوری و مهترسیا لسهر چهند جهێن بهرههمئینانا سوتهمهنیێ ل ههرێما كۆردستانێ و عیراقێ كێم بوویه بریار هاتهدان كۆمبۆنهكا تایبهت دگهل كۆمهلا موهلیدا بهێته كرن بۆ هندێ دڤان ڕۆژان دا و ل دهمێن نهمانا كارهبا گشتی كاربكهن.
