نێچیرڤان بارزانی سەرۆكێ هەرێما كوردستانێ، پێشوازی ل غولام محەمەد ئیسحاقزای، بەرپرسێ نەتەوەیێن ئێكگرتی و ڕێكخەرێ ئاكنجییێ بۆ عیراقێ و شاندێ دگەلدا كر.
دكۆمبوونا واندا ڕەوشا سیاسی و ئەمنییا عیراقێ و چالاكییێن نەتەوەیێن ئێكگرتی هاتنە گۆتوبێژكرن، سەرۆكێ هەرێمێ زێدەباری سوپاسیكرنا ئامادەیی و ڕۆلێ نەتەوەیێن ئێكگرتی ل عیراقێ، دووپاتی ل گرنگییا بەردەوامییا پشتەڤانی وهاریكارییا كۆمەلگەها نێڤدەولەتی بۆ عیراقێ و هەرێما كوردستانێ ژ پێخەمەت چەسپاندنا سەقامگێرییێ و ڕووبرووبوونا ئاستەنگان كر.
ژلایێ خۆڤە ئیسحاقزای سوپاسییا هاریكارییا لایەنێن پەیوەندیدارێن هەرێما كوردستانێ دگەل نەتەوەیێن ئێكگرتی كر، پابەندییا نەتەوەیێن ئێكگرتی بۆ بەردەوامیدانا هاریكاریكرنا عیراقێ و هەرێما كوردستانێ دووپاتكر.