ترەمپ: مە دانوستاندنێن گەلەك بەرهەمدار دگەل ئیرانێ كرینە، دێ دووژمنایەتییا خۆ ب دووماهی ئینین
دۆنالد ترەمپ سەرۆكێ ئەمریكا ڕاگەهاند، ئەوان دانوستاندنێن گەلەك باش دگەل ئیرانێ كرینە، هێرشێن خۆ بۆ سەر وێستگەهێن كارەبێ و ژێرخانەیا وزەیا ئیرانێ بۆ دەمێ پێنج ڕۆژان پاشخستن.
ترەمپی ل سەر ئەكاونتێ خۆ یێ ترووس سۆشیال دیاركر، ئەو یێ خۆشحالە كو ئەمریكا و ئیرانێ د دوو ڕۆژێن بووریدا دانوستاندنێن گەلەك باش و بەرهەمدار سەبارەت چارەسەركرنا تمام و هەموولایانە یا دووژمنایەتییا خۆ ل ڕۆژهەلاتا ناڤین هەبووینە.
ئاشكرا ژی كر، ل دووڤ شێواز و سەقایێ ئەڤان دانوستاندنێن كور و هویر و بنیاتنەر كو دێ ب دریژاهییا حەفتییێ دبەردەوامبن، ئەوی فەرمان دایە وەزارەتا شەڕی كو هەموو هێرشێن سەربازی بۆ سەر وێستگەهێن كارەبێ و ژێرخانەیا وزەیا ئیرانێ بۆ دەمێ پێنج ڕۆژان پاشبێخیت، ئەڤەژی گرێدای سەركەڤتنا كۆمبوون و دانوستاندنێن بەردەوامە.