تونجەر باکرهان، هەڤسەرۆکێ گشتییێ دەم پارتی، ب توندی ئدانەیا هێرشا مووشەکی یا سەر هێزێن پێشمەرگەیی کر و ڕاگەهاند: “دلێ مە ل دەف هەولێرێیە.”
باکرهان ل هژمارا خۆ ل تورا جڤاکیا (X) دا، هێرشا ئەڤرۆ سپێدێ یا ل سەر یەکەیەکا پێشمەرگەیی ل نێزیک
هەولێرێ ب توندی شەرمزار کر.
هەڤسەرۆکێ دەم پارتی داخوازا ڕەحمەت و دلۆڤانیێ بۆ وان 6 پێشمەرگەیێن شەهید بووین خواست و سەرەخۆشی ل گەلێ هەرێما کوردستانێ، حکومەتا هەرێمێ و مالباتێن شەهیدان کر.
هەروەسا هیڤیا باشبوونەکا بلەز بۆ 30 پێشمەرگەیێن بریندار خواست.
باکرهان: ئەڤ هێرشە پیلانەکا مەزنە بۆ ڕاکێشانا کوردستانێ بۆ ناڤا شەڕی
تونجەر باکرهانی رۆناهی خستە سەر وان مەترسیێن ل سەر دەڤەرێ هەیی و ڕاگەهاند: ئەڤ هێرشە پشکەکە ژ پیلانەکا بەرفرەهـ کو ئارمانج ژێ ڕاکێشانا ئاخا کوردستانێیە بۆ ناڤا شەڕەکێ هەرێمی.
هەلویست وەرگرتن ل دژی ڤان هێرشێن “چەپەل”، چ ژ لایێ مرۆڤی ڤە یان ژ لایێ سیاسی ڤە، پێدڤیەکا حەتمییە.
باکرهانی گۆت ژی: “ئەم قەبوول ناکەین کورد ببنە پشکەک ژ شەڕێن دەڤەرێ، ل هەمبەر ڤان هێرشان دێ ب هەڤڕا راوەستین و ب پێداگیریڤە دێ بەردەوام بین ل سەر خەباتا خۆ یا هەڤپشک، دلێ مە ل دەف هەولێرێیە، ئەم ل گەل خووشک و برایێن خۆینە و دێ هەردەم پشتەڤانێن وان بین.
