ب مەرەما پاراستنا ئاساییشا نیشتیمانی و زانیاریێن سەربازی، ڕێڤەبەرییا گشتی یا ڕاگەهاندن و هشیاریا نیشتیمانی ل وەزارەتا پێشمەرگەیی ئەڤ ڕێنمایێن ل خوارێ دەرخستن:
. ب چو ڕەنگان ڕێ ب دەزگەهێن ڕاگەهاندنێ ناهێتە دان بچنە ناڤ بارەگا و جهێن سەربازی، داخواز ژ کەناڵێن میدیایی دهێتە کرن کو خۆ ژ وێنەگرتن و ڤیدیۆکرنا بارەگایان دوور بگرن.
. پێدانا زانیارییان یان لێدوانێن ڕۆژنامەڤانی ژ لایێ فەرماندە، ئەفسەر و پێشمەرگەیان ڤە ب هەموو شێوەیان قەدەغەیە.
. پۆستکرنا وێنە، ڤیدیۆ و هەر زانیاریەکا تایبەت ب سەنگەر و بارەگایان ل تۆڕێن جڤاکی ب هەمی ڕەنگان قەدەغەیە.
. ب مەرەما پاراستنا ئاسایشا زانارییان، دخوازین هەر پەیجەکێ ب ناڤێ پێشمەرگەیی زانیاریێن سەربازی بەلاڤ بکەت، لینکێ وێ بۆ وەزارەتێ بهنێرن داکو ڕێکارێن یاسایی بەرامبەر بهێنە وەرگرتن.
. هەر پێشمەرگەك یان ئەفسەرەکێ ڤان ڕێنمایان بنپێ بکەت، دێ ڕووبڕوو توندترین سزایێن سەربازی و کارگێڕی بیت.
. چاڤدێریەکا هویر ل سەر سۆشیال میدیایێ دهێتە کرن بۆ دیتنا هەر سەرپێچیەکێ.
پێدڤییە ئەفسەرێن ڕاگەهاندن و هشیاریێ ل هەمی یەکەیێن سەربازی، ئۆپەراسیۆن و هەواڵگیرییێ، ب هوێری چادێرییا لڤین و ڕەفتارێن هەموو ئەفسەر و پێشمەرگەیان بکەن و ڤان ڕێنمایان ب سەر دا دابەش بکەن.
. ڕێڤەبەریا گشتییا ڕاگەهاندن و هشیاریا نیشتیمانی ب هەماهەنگی دگەل لایەنێن بلندتر، دێ چاڤدێرییا هەموو تۆرێن جڤاکی کەت، هەر سەرپێچیەکا ل ڤان خالان، دێ ڕێکارێن توند یێن سەربازی و یاسایی بەرامبەر ئەنجامدەران هێنە گرتن.