<h3>وهزارهتا پێشمهرگهی ڕاگههاندنهك ل دۆر هێرشا مووشەكییا بالستییا ئیرانێ بهلاڤكر و دیاركر، د هێرشا شهڤا بووریدا شەش پێشمەرگە شەهیدبوون و 30 برینداربوون. دهقێ ڕاگههاندنا وهزارهتا پێشمهرگهی؛ سپێدەهییا ئەڤرۆ د دوو هێرشێن جودادا، بارەگایەکێ فیرقا حهفت یا پیادە یا دەڤەرا ئێك و هێزەکا فیرقا پێنج یا پیادە یا هێزێن پێشمەرگەی ل سنوورێ سۆران، د کریارەکا دوژمنکارانە دا و ب غەدر و خیانەت و دویر ژ هەموو ڕەوشتێن مرۆڤایەتی و جیرانەتییێ، بەر هێرشا شهش مووشەکێن بالیستی یێن ئیرانی کەفتن، د ئەنجامدا شهش پێشمەرگە شەهید بوون و 30 پێشمەرگەیێن دی ژی بریندار بوون. د دەمەکیدا کو ب توندترین شێوە ڤێ هێرشێ و هەموو هێرشێن دی یێن تیرۆریستی یێن دهێنه سەر هەرێما کوردستانێ شەرمەزار دکەین، دووپات دکەین کو مافێ مە یێ تەمام هەیە بۆ بەرسینگگرتنا هەر دەستدرێژیەکێ کو دهێتە سەر گەل و ئاخا مە. ب چ شێوهیان مە چاڤەرێ هندێ نەدکر ب ڤی شێوازێ نهمەردانە، بەرسڤا هەلویستێ ئاشتیخوازانه یێ هەرێما کوردستانێ بهێتە دان. لێ تەمەنێ غەدر و زۆرداریێ کورتە و ئیرادەیا ئاشتیخوازیێ دێ سەرکەڤیت. سەرەخۆشییێن مە بۆ خێزان و کەسوکارێن شەهیدێن مە، هیڤییا چارهسهرییهكا بلەز ژی بۆ بریندارێن مە دخوازین. جارەکا دی داخوازێ ژ هەموو لایەکی دکەین کو شەڕ و ئالۆزییێ ژ هەرێما کوردستانێ دویر بێخن، و داخوازێ ژ حکومەتا فیدرال و جڤاکێ نیڤدەولەتی و هەموو دۆستێن مە ژی دکەین کو بەرامبەر ڤان بنپێكرنا بێدەنگ نەبن و سنوورەك بۆ ڤان دەستدرێژییان بهێتە دانان. وهزارهتا پێشمهرگهی 24-03-2026</h3>
