<h2 style="text-align: right;">مەسرور بارزانی سەرۆكێ حكومەتا هەرێما كوردستانێ دپەیوەندییەكا تلەفۆنیدا دگەل سەرۆكوەزیران و وەزیرێ دەرڤە یێ قەتەر شێخ محەمەد بن عەبدولرەحمان ئال سانی، پێشهاتێن ڕەوشا گشتییا هەرێما كوردستانێ و قەتەرێ و دەڤەرێ گوتوبێژكرن. هەردوو لایان ئیدانەیا ئەوان هێرشێن تیرۆرستی كر، یێن ل سەر هەرێما كوردستانێ و قەتەر دهێنەكرن، دلگرانییا خۆ بەرامبەر گەشەكرنا شەڕی و ئالۆزییان ل دەڤەرێ دەربری، دووپاتی ل گرنگییا پاراستنا ئاشتی و ئاسایش و سەقامگێرییێ كر. دڤێ پەیوەندییا تلەفۆنیدا، هەردوو لایەن هەڤرابوون كو گرووپێن ژ قانوونێ دەركەڤتین گەفن و مەترسینە، پێدڤییە حكومەتا عیراقێ كۆنترۆلێ ل سەر بكەت. هەروەسا مەسرور بارزانی و سەرۆكوەزیرێن قەتەر، ل سەر گرنگییا بەردەوامبوونا پەیوەندی و هەماهەنگییێ بۆ دەربازكرنا ئاستەنگ و هەڤركییان د هەڤرابوون.</h2>
