دۆنالد ترەمپ، سەرۆکێ ئەمریکا د پەیامەکێ دا ب فەرمی رزگارکرنا فڕۆکەڤانێ ئەمریکی یێ دووێ ل ناڤ ئیرانێ ڕاگەهاند و ئۆپەراسیۆن ب “ئێک ژ وێرەکترین ئۆپەراسیۆنێن گەریان و رزگارکرنێ د دیرۆكا ئەمریکا دا” بناڤ كر.
ترەمپ د پەیاما خۆ دا دبێژیت: “مە دیت”، هەروەسا بەحسێ هندێ دکەت کو فڕۆکەڤانێ رزگارکری ئەفسەرەکێ پلە بلندە ب پلا عەقید و نوکە یێ “سلامەت و ساخلەمە”.
سەرۆکێ ئەمریکا ئاماژە ب وێ چەندێ کریە کو ئەو ئەفسەرە “ل چیاێن ئیرانێ و ل پشت هێلێن دوژمنی بوو، د دەمەکێ دا کو هێزێن ئیرانێ لدویڤ دگەریان و دەمژمێر بۆ دەمژمێرێ لێ نێزیک دبوون”.
ترەمپ دبێژیت: “ئەو چ جاران یێ ب تنێ نەبوو، چونکی فەرماندێ گشتی یێ هێزێن چەکدار، ترەمپ بخۆ، وەزیرێ شەری، سەرۆکێ دەستەیا هەڤپشك یێ سوپاسالاران و هەڤسەنگەرێن وی ٢٤ دەمژمێران چاڤدێرییا جهێ وی دکر”.
ترەمپ هەروەسا دبێژیت، ب فەرمانا وی، سوپایێ ئەمریکا “دەهان فڕۆکە ب کوژەکترین چەکێن جیهانێ ڤە” هنارتینە بۆ ئینانەڤەیا وی. هەرچەندە فڕۆکەڤان بریندار بوویە، بەڵام پشتڕاستی دا کو “دێ باش بیت”.
