پاکستانێ پلانەکا نوو ئێخسته‌ دناڤبەرا ئیرانێ و ئه‌مریكا دا

ئاژانسا رۆیتەرز ڕاگه‌هاندییه‌، پلانه‌كا نوو ب ناڤبەینکارییا وه‌لاتێ پاکستانێ بۆ ب دووماهی ئینانا ئالۆزییان دناڤبه‌را ئیران و ئەمریکادا هاتییە ئامادەکرن، دهێتە چاڤەڕێکرن هەر ئەڤرۆ ئه‌و پلان بچیتە د بیاڤێ بجهئینانێدا.
ئەڤ پلانە ژ دوو قۆناغان پێکدهێت، قۆناغا ئێکێ ئەوە کو ئێکسەر ئاگربەست بهێتە ڕاگەهاندن و ل دووڤدا ئیمزاکرنا ڕێککەڤتنەکا گشتگیر بۆ چارەسەرکرنا ئاریشه‌یان دهێت، پێدڤییە ئەڤرۆ ل سەر هەموو خالان ڕێککەڤتن بهێتەکرن، ڕێککەڤتنا دەستپێکێ دێ ب شێوەیێ یاداشتنامەکا لێکگەهشتنێ بیت و ب ڕێیا پاکستانێ ب شێوەیێ ئەلیکترۆنی هێتە ئیمزاکرن.
دهێتە چاڤەڕێکرن، ڕێککەڤتنا هەردوو ئالییان ل سەر بنەمایێ هندێ یە کو ئیران ب ئێکجاری دەست ژ چێکرن و گەشەپێدانا چەکێ ئەتۆمی بەردەت و د بەرامبەردا ئەمریکا و وه‌لاتێن ڕۆژئاڤا وان سزایێن ئابووری یێن ل سەر ئیرانێ سڤك بکەن و ئەو پارەیێ وێ یێ زۆر یێ ل بانکێن دەرڤە هاتییە بەستن و ڕاوەستاندن بۆ بهێتە ئازادکرن، د هەمان دەمدا دوو ژێده‌رێن پاکستانی ئاماژە ب وێ چه‌ندێ داینە کو سەرەڕای بزاڤێن دژوار، ئیرانێ هێشتا ب فەرمی پابەندبوونا خۆ ب پلانا نه‌ڕاگه‌هاندی دیاركریه‌، ژبه‌ركو ته‌هران ل دویڤ ئاگربەستەکا هەمیشەیی و وەرگرتنا گەرەنتییێیە داکو جارەکا دی هێرش نەهێتە سەر.