نێچیرڤان بارزانی، سەرۆکێ هەرێما کوردستانێ د پەیامەکێدا ب توندی هێرشا شەڤا بووری بۆ سهر مالا پێشمهرگهكی ل هەولێرێ شهرمزاركر.
دهقێ پهیاما سەرۆکێ هەرێما کوردستانێ:
ئەوێ هێرشا تیرۆرستییا درەنگییا شەڤا بووری ب درۆنان بۆ سەر مالا وەلاتییەکێ ل گوندێ زەرگەزەوی یێ سەر ب پارێزگەها هەولێرێ هاتیهکرن كو تێدا ب مخابنیڤە دوو هەڤژین شەهیدابووین، ب توندی شهرمزار دکەم.
سەرەخۆشیێن خۆ یێن کویر ئاراستەی بنەمال و کەسوکارێن شەهیدان دکەم، ژ دل ههڤسۆز و ههڤخهمێ وانم، ژ خودایێ مەزن داخواز دکەم گیانێ وان ب مەزنی و دلوڤانییا خۆ شاد بکەت و ئارامییێ بدهته بنەمال و کەسوکارێن وان.
ئەڤ هێرشە ب چ ڕەنگەکی د قەبوول نینن و ب تمامی دڕەتکری نە، پێدڤییە حکومەتا فیدرالا عیراقێ كار و بهرپرسیارییهتا خۆ بجهبینیت بۆ ڕێگترنێ ل ڤان تاوان و هێرشێن تیرۆرستی، دا کو ئێدی ئەڤ دەستدرێژییە بۆ سەر خەلکێ سڤیل و بێ گونههـ یێ هەرێما کوردستانێ دووبارە نەبنەڤە.
