<h2>وەزیرێ پێشمەرگەی ل حكومەتا هەرێما كوردستانێ د پەیامەكێدا ل دۆر شەهیدبوونا دوو وەلاتییێن هەولێرێ دیاركر، ب ئارمانجگرتنا خەلكێ سڤیل گەفەكا ئێكسەرە بۆ سەر ئاسایشا دەڤەرێ.</h2> <h2> شۆڕەش ئیسماعیل وەزیرێ پێشمەرگەی ل حكومەتا هەرێما كوردستانێ ڕاگەهاند، ئەو هێرشا درۆنییا ل سەر گوندێ ( زەرگەزەو ) یێ سنوورێ باژێرێ هەولێرێ هاتییە كرن ب توندی شەرمزار دكەت، كو بوو ئەگەرێ شەهیدبوونا پێشمەرگەیێ قارەمان ب ناڤێ ( مووسا ئەنوەر ڕەسوول ) و هەڤژینا وی.</h2> <h2> هەروەسا دیاركر، ب ئارمانجگرتنا خەلكێ سڤیل و دەربازكرنا هەموو سنوورێن قانوونی و مرۆڤی و بنپێكرنا سەروەرییا ئاخا هەرێما كوردستانێ و عیراقێ، گەفەكا ئێكسەرە بۆ سەر ئاسایشا دەڤەرێ.</h2> <h2> دووپات ژی كر، گیانێ وەلاتییان و سەروەرییا ئاخا كوردستانێ هێلا سوورە، داخوازێ ژ حكومەتا فیدرال و كۆمەلگەها نێڤدەولەتی دكەن، هەلویستەكێ ب كردار هەبیت و ل دۆر ئەڤان تاوان د بێ دەنگ نەبن.</h2> <h2> ئاماژە ب هندێ دا، ب ناڤێ وەزارەتا پێشمەرگەی و هێزێن پێشمەرگەیێ كوردستانێ، سەرەخۆشیێن خۆ یێن كوور ئاراستەیی بنەمالا شەهیدان دكەن، نەمری و بۆ شەهیدێن سەربلندێ كوردستانێ بیت.</h2>
