ئەڤرۆ چارشەمبی، ٨ی نیسانا ٢٠٢٦، دۆنالد ترەمپ، سەرۆکێ ئەمریکا، د پەیامەکا نوو دا ل تۆڕا جڤاکییا “ئێکس” هۆشدارییەکا توند دا وان وەلاتێن چەکێ سەربازی بۆ ئیرانێ دابین دکەن.
دۆنالد ترەمپی ڕاگەهاند ژی، هەر وەلاتەکێ چەکی بۆ ئیرانێ بهنێریت، باجا 50% ێ، دێ کەڤیتە سەر هەموو وان کەلوپەلێن ل وی وەلاتی بۆ ئەمریکا دهێنە فرۆشتن.
سەرۆکێ ئەمریکا ئاماژە ب وێ چەندێ ژی کر، ئەڤ بڕیارە ژ ڤی دەمی پێدا دێ چیتە د وارێ بجهئینانێ دا، هەروەسا دیار کر کو چ وەلات ژ ڤێ بڕیارێ ناهێنە دەرخستن و چ لێبۆرین بۆ چ کەسان نابن.
ئەڤ پێنگاڤا واشنتۆن پشتی ڕاگەهاندنا ئاگربەستێ دهێت و ئارمانج ژێ ڕێگریکرنە ل پڕچەککرنا دوبارە یا ڕژێما ئیرانێ.