ڕێڤەبەرێ گشتییێ دەستەیا گشتی یا گومرکێن عێراقێ ڕاگەهاند: پرۆژێ بجهئینانا سیستەمێ ئەلیکترۆنییێ “ئەسیکۆدا” و ئێکخستنا ڕێکاران د ناڤبەرا حکومەتا فیدرالی و هەرێما کوردستانێ دا، پێنگاڤەکا ستراتیژی و پێشکەفتییە بۆ ئاڤاکرنا سیستەمەکێ گومركی یێ سەردەمیانە و ئێکگرتی ل سەر ئاستێ هەموو عێراقێ.
سامر قاسم داوود دیار کر کو ب ڕێنماییا وەزیرا دارایی (تەیف سامی)، کاردکەن بۆ هندێ ڕێکارێن تەکنیکی و یاسایی د ناڤبەرا هەولێر و بەغدا دا ببنە تەمامکەرێن ئێک ل هەموو دەرگەهێن گومركی.

هەروەسا ئێکخستنا سیستەمان دێ بیتە ئەگەرێ کێمکرن و ڕێگریکرن ل دیاردەیا قاچاخچیەتییێ و ئەڤ پێنگاڤە دێ کاریگەریییەکا ئەرێنی ل سەر بهێزکرنا داهاتێ نەنەفتی یێ دەولەتێ هەبیت و سیستەمێ نوو دێ کاراییا دامەزراوەیێن حکومی بلند کەت و کاران ب شێوەکێ سەردەمیانە ڕێكئێخیت.