وه‌زاره‌تا ده‌رڤه یا یۆنانێ پێشوازى ل بریارا ویلایه‌تێن ئێكگرتى یێن ئه‌مریكا كر بۆ سه‌پاندنا سزایان ل سه‌ر توركیا، پشتى كرینا سیسته‌مێ به‌رگرییێ یێ رۆسی ئێس-400.
وه‌زاره‌تا ده‌رڤه یا یۆنانى د به‌یانه‌كێ دا راگه‌هاند، یۆنان وه‌ك ئه‌ندامه‌كێ ناتۆ، پێشوازیێ ل بریارا وه‌زاره‌تا ده‌رڤه یا ئه‌مریكا دكه‌ت بۆ سه‌پاندنا سزایان ل سه‌ر توركیا و به‌رپرسێن كه‌رتێ پیشه‌سازییا به‌رگرییا توركیا.
پێشتر وه‌لاتێ یۆنانێ چه‌ندین جاران ره‌خنه ل توركیا گرتینه ژ ئه‌گه‌رێ كرینا سیسته‌مێ ئێس-400، كێریاكوس میتسوتاكیس، سه‌رۆكوه‌زیرێن یۆنانێ، توركیا ب هه‌ڤپه‌یمانه‌كێ بێ باوه‌ر و ب گه‌ف ل سه‌ر ئێمناهیا هه‌ڤپشك یا هه‌ڤپه‌یمانیا ناتۆ ب ناڤ كر.
