رێڤەبەرێ پشکێن ناڤخۆ ل زانکۆیا دھۆکێ ئاشکرا کر کو وان ئاریشەیا کرێ یێن پشکێن ناڤخۆیی ل کۆلیژا پەروەردا بنیات ئامێدیێ ھەیە و دیڤچوونێن بەردەوام دھێتەکرن بوچارەسەرکرنێ.
مەردان ئەحمەد ئەتروشی رێڤەبەرێ پشکێن ناڤخۆ ل سەرۆکاتییا زانکۆیا دھۆکێ بۆ خانی نیوز راگەھاند : وان د نھا دا زۆر کێماسی ل کۆلیژا پەروەردا بنیات ئامێدیێ ھەنە ب تایبەتی قوتابیێن پشکێن ناڤخۆیی کو نێزێکی ٢٣٩ قوتابیانە ژ وان ١٠٣ کچن و ١٣٦کورن کو تا نھا وان جھێ ڤەحواندنا وان نینە و د ناڤ ئاڤاھیێن شقەیێن کرێدانە ئەڤەژی بارگرانیەکا مەزن بۆ وان دروست کریە. رن .
ناڤبری زێدەتر گۆت: ١١ پشکێن ناڤخۆیی ل ئامێدیێ ھەیە و نەبوونا کرێیا وان ئاڤاھییان بوویە ئاریشە و بزاڤێن بەردەوام دھێنە کرن ب رێکا سەرۆکاتییا زانکۆیا دھۆکێ و وەزارەتا خاندنا بلند و ئەنجوومەنی وەزیران، لێ تانوکە چ چارەسەری بۆ نەھاتییە دیتن و ئەوچاڤەرێ بریارا تەرخانکرنا کوژمێ پارەی دکەن.
کولیژا پەروەردا بنیات ـ ئامێدیێ ل ۲۰۱٥/٥/۱۲ ل دووڤ فەرمانەکا وەزارەتا خواندنا بلند و ڤەکۆلینێن زانستی یا حکومەتا ھەرێما کوردستانێ وەکو پێدڤیەکا زانستی و ئەکادیمی ل دەڤەرا ئامێدیێ ھاتییە ڤەکرن و ل سالا خاندنا (۲۰۱٥ – ۲۰۱٦ ) دەست ب وەرگرتنا قوتابیان کریە و تانھا سێ خولێن دەرچوونێ ھاتینە ئەنجامدان دا کودبنە ٣٥٠ قوتابی ل ھەردوو پشکێن کۆمەلایەتی و ئینگلیزی.
خانی نیوز، ھەیوار ستار
