ھژمارەکا کچێن ئێزیدی یێن رزگاربوویێن دەستێ داعشێ ژ بۆ پرۆژێ چارەسەریێ ل بەغدا نە و ئەڤرۆ دێ د گەل وەزیرا کۆچ و کۆچبەران کۆمبن.
نازک بەرەکات، نوونەرا حکومەتا ھەرێمێ ل بەغدا بۆ خانی نیوز گۆت: پرۆژە ب پشتەڤانییا رێڤەبەرییا رێکخستنێن نەحکومی یە و د قوناغا دەستپێکێ دا ١٠ کچێن رزگاربووی ل بەغدا نە ژ بۆ وەرگرتنا چارەسەریێن دەروونی و جەستەی، ل دۆر رەوشا وان ژی دیارکر، رەوشا وان کچ و ژنان گەلەکا خرابە و پێدڤی ب ھاریکاریێ نە و دەما ٣ رۆژانە چارەسەریێ وەردگرن ژبەر کو نەخۆشی ل دەف وان ھەنە و بارێ وان یێ ئابووری خرابە.
نازک بەرەکات خویا ژی کر، نەخۆشخانەیەکا باش و بسپۆرێن شارەزا بۆ چارەسەریێ ھاتینە دابینکرن و د ھەر قوناغەکێ دا ٥ تا ٧ رۆژان دێ چارەسەریێ وەرگرن و د قوناغێن بھێت دا کچ و ژنێن رزگاربووی یێن ئاکنجی یێن کەمپان ژی دێ ھێن وەرگرتن ژ بەر کو قوناغا دەستپێکێ تەنێ یێن ڤەگەریاینە شنگالێ ھاتینە وەرگرتن.
دیار ژی کر، ئیڤان فایق، وەزیرا کۆچ و کۆچبەران ئەڤرۆ دێ دگەل کچ و رزگاربوویێن دەستێ داعشێ کۆمبیت و گۆتوبێژا پرۆژەیێ چارەسەریێ کەن.
