تۆپخانه و فرۆكه‌یێن له‌شكه‌رێ توركیا ئەڤرۆ رۆژا دووشەمبیێ ژ ئەگەرێ هەبوونا بنگەهێن چەکدارێن (پەكەكێ) گوندەوارێن سنورێ دەڤەرداریا ئامێدیێ کر ب دژواری بۆمبه‌بارانكرن.
پەیامنێرێ خانی نیوز ل دەڤەرداریا ئامێدیێ پشت راستكر، تۆپخانە و فرۆكێن توركیا ل سات ئێكێ نیڤرۆ ژ ئەگەرێ هەبوونا چەکدارێن په‌كه‌كێ ب دژواری گوند و وارێن دکەڤنە پشتا چیایێ مەتین ل سنورێن ناحیا دێرەلوك و شێلادزێ و ئامێدیێ بۆمبه‌بارانكرن، تا نها زیانێن هێرشێ نه‌هاتینه زانین ژبەرکو دەڤەر ل ژێر کۆنترۆلا پەکەکێ دایە.
په‌یامنێرێ خانی گۆت ژی: ئه‌و ده‌ڤه‌ر هەڤسنورە دگەل باکورێ کوردستانێ و د چۆلکرینە و ل ژێر دەستهەلاتا پەکەکێ دانە و ده‌ما چەندین سالانە پەکەکێ ئەو دەڤەر داگیرکرینە ژ به‌ر وێ یه‌كێ ژی بەردەوام ژ ئالیێ سوپایێ توركیێ ڤه دهێنە بۆمبه‌بارانكرن.
په‌یامێنرێ مه ل وێ ده‌ڤه‌رێ دووپاتكر ژى، نها سوپایێ توركیا چیاێ گاره‌ى ژى بۆردومان دكه‌ت
