سه‌رۆك بارزانى: د. رۆژ‌ چ جاران ناهێته‌ ژ بیركرن

سه‌رۆك بارزانى ل ده‌ما خاتر خاستنێ ل ته‌رمێ دكتۆر رۆژ نورى شاوه‌یس راگه‌هاند: د. رۆژ هه‌ڤخه‌بات و هه‌ڤسه‌نگه‌رێ وى بوویه‌ و چ جاران ناهێـته‌ ژ بیركرن، سه‌رۆك بارزانى گۆت ژى: ژ ده‌ست دانا وى خه‌مه‌كا گه‌له‌ك مه‌زن بوو.

ژ به‌ر خه‌مگینییا ژ ده‌ست دانا هه‌ڤسه‌نگه‌رێ خوه‌، سه‌رۆك بارزانى نه‌شیا داویێ ب گوتارا خوه‌ بینیت، پاشان تاجه‌گولینه‌یا رێزگرتنێ‌ ل سه‌ر ته‌رمێ وى دانا.

هه‌روه‌سا مه‌سرور بارزانى سه‌رۆكێ حكومه‌تێ و نێچیرڤان بارزانى سه‌رۆكێ هه‌رێما كوردستانێ و ئه‌ندامێن مه‌كته‌با سیاسى و سه‌ركردایه‌تییا پارتى و هه‌ڤال و كه‌س و كارێن دكتۆر رۆژ نورى ئاماده‌ ببوون و تاجه‌گولینه‌یا رێزگرتنێ ل سه‌ر ته‌رمێ وى هاته‌ دانان.