ئێڤاریا ئەڤرۆ دوشەمبى، 2021-2-15 مەسرور بارزانی سەرۆکێ حکومەتا هەرێما کوردستانێ، پێشوازی ل ئۆله دیل و برونۆ ئوبێرت بالیۆزێن ئەلمانیا و فرەنسا ل ئیراقێ کرن.
بالیۆزێن ئەلمانیا و فرەنسا ل ئیراقێ، ئامادەییا وهلاتێن خوه دەربری بۆ ب هێزکرنا ههڤکاری و هەماهەنگییێ ل گهل هەرێما کوردستانێ و ئاماژە ب هندێ دا، کو دەرفەتهكا باش هەیە بۆ پەرەپێدانا زێدهتر یا پەیوەندییان ل گەل حکومەتا هەرێما کوردستانێ.
سەرۆکێ حکومەتێ سهرهراى سوپاسکرنا هەردوو وهلاتى بۆ هارکاریکرنا هەرێما کوردستانێ، ب تایبەتی ل رووبرووبوونا تیرۆرێ دا ، تیشک خستە سەر گوتۆبێژێن د ناڤبهرا هەرێمێ و حکومەتا فیدرالى دا.
گۆتییه ژى، چارەسەرکرنا کێشێن دناڤبهرا هەردولا و گەهشتنا رێککهفتنێ ل سەر بنەمایێ دستوورى دا، د بەرژەوەندییا ههموو وهلاتیێن ئیراقێ دایه.
گرنگییا جێبەجێکرنا رێککەفتنناما شنگالێ و ڤهگەریانا ئارامی و سەقامگیریێ بۆ وێ دەڤەرێ، تەوەرهكێ دیتر یێ وان گوتۆبێژان بوو.
