بابه‌ك و دو زارۆیێن وی یێن ئاواره‌یێن شنگالێ ژ ئه‌گه‌رێ شۆرته‌كێ كاره‌بێ ل كه‌مپا بێرسڤێ 2 سۆتن و گیانێ خوه ژ ده‌ستدان.
كاروان زه‌كی، به‌رپرسێ راگه‌هاندنا رێڤه‌به‌ریا كۆچ و كۆچبه‌ران و به‌رسڤدانا قه‌یرانان بۆ خانی نیوز گۆت: شڤێدی سه‌عه‌ت 2 یێ ب شه‌ڤێ ژ ئه‌گه‌رێ شۆرته‌كێ كاره‌بێ ل كه‌مپا بێرسڤێ 2 ، پێنچ خیڤه‌ت سۆتن و ئاواره‌یه‌كێ ب ناڤێ خالد الیاس قیرانی دژیێ 31 سالان دا دگه‌ل كچ و كوره‌كێ وی یێن د ژیێ 11 و 10 سالان دا د ناڤا خیڤه‌تێ دا سۆتن و گیانێ خوه ژ ده‌ستدان.
كاروان زه‌كی خویا ژی كر، هه‌روه‌سا هه‌ڤژینا وی و كچه‌كا وی یا دی كو هه‌موو ئه‌ندامێن ئێك خێزانێ نه ب گرانی سۆتینه و نها ل نه‌خۆشخانه‌یێ نه و ژبلی زیانێن گیانێ زیانێن مه‌زن یێن ماددی یێن مه‌زن ژی هه‌نه.
