<h3 style="text-align: justify;"><span style="font-size: 18pt;">ژ ئەنجامێ شەر و پەڤچوونێن بەردەوام یێن هێزێن چەکدارێن پەکەکێ و بۆمبەبارانا فروکێن تورکیا 20 قوتابخانەیێن سنورێ پەروەردا دەڤەردارییا ئامێدیێ هاتینە داخستن. </span></h3> <h3 style="text-align: justify;"><span style="font-size: 18pt;">وهجیە سەعید مستەفا رێڤەبەرێ پەروەردا دەڤەردارییا ئامێدیێ بۆ خانی نیوز راگەهاند: پشتی سەرهلدانا سالا (1991) وئاڤادانکرنا گوندێن پارێزگەهادهۆکێ ل هەر گوندەکی قوتابخانەک هاتە ڤەکرن و شەرێ بەردەواما چەندین سالە یێن د ناڤبەرا هێزین چەکدارێن پەکەکێ و دەولەتا تورکیا دا بوویە ئەگەرێ بەردان و چۆلکرنا چەندین گوندان، و ل سنورێ پەروەردا ئامێدیێ و ژئەگەرێ چۆلکرنا وان گوندان تانوکە 20 قوتابخانە هاتینە داخستن و دەوام تێدا ناهێتە کرن و دگرتینە.</span></h3> <h3 style="text-align: justify;"><span style="font-size: 18pt;">ناڤبری گۆت ژی: هەردەما ئەو گوند ئاڤەدان ببن ئەو قوتابخانێن هاتینە داخستن جارەکادی دێ هێنەڤەکرن و دەوام تێدا هێتەکرن، پتریا وان قوتابخانان ژى دکەڤنە سنورێ ناوچەدارییا کانی ماسێ و پشکەکا کێم ژی دکەڤنە ل سنورێ ناوچەدارییا چەمانکێ، و ئەگەر ئەڤ شەر و بۆمبەبارانە بەردەوام بن ترسا چولکرنا چەندین گوندێن دیتر هەیە و دێ بیتە ئەگەرێ گرتنا دەرگەهێ چەندین قوتابخانەیێن دیتر .</span></h3> <h3 style="text-align: justify;"><span style="font-size: 18pt;">ل سنورێ پەروەردا دەڤەرداریا ئامێدیێ (162) قوتابخانە هەنە ژ وان (124) قوتابخانەیێن بنەرەتی و ( 30) قوتابخانێن ئامادەیی و (7) باخچەیێن زاروکان و ئیک بنگەهێ فێرکرنا بلەز، ههروهسا (30,093) قوتابی و نێزیکی (2400) مامۆستا و (480) فەرمانبەر هەنە.</span></h3> <h3 style="text-align: justify;"></h3> <h3 style="text-align: left;"><span style="font-size: 18pt;">خانى نیوز، هەیوار ستار</span></h3>
