مه‌سرور بارزانى و وەزیرێ ژێده‌رێن ئاڤێ یێ ئیراقێ كۆمبوون

ئەڤڕۆ ئێکشەمبى 2021-2-21 مەسرور بارزانی سەرۆکێ حکومەتا هەرێما کوردستانێ، پێشوازی ل مەهدی ڕەشید حەمەدانی، وەزیرێ ژێده‌رێن ئاڤێ یا حکومەتا فیدراڵ کر.

د دیدارەکێ دا گۆتوبێژ دەربارەی گه‌شه‌پێدان و هەماهەنگییا دناڤبه‌را وەزارەتا ژێده‌رێن ئاڤێ یا حکومەتا فیدراڵ و وەزارەتا  چاندنێ و ژێده‌رێن ئاڤێ یا  حكومه‌تا هەرێما کوردستانێ هاته‌ كرن.

بابه‌تێ گۆتوبێژكرنێ و ئه‌نجامدانا پرۆژه‌یێن ستراتیژى و دابینكرنا پێدڤیاتیێن نووژه‌نكرنا به‌نداڤان و دروستكرنا به‌نداڤێن نوو ل ئیراقێ و هه‌رێما كوردستانێ، هه‌روه‌سا گۆتوبێژ ده‌رباره‌ى میكانیزما چاره‌سه‌ركرنا ئاریشه‌یێن مووچه‌یێ فه‌رمانبه‌رێن به‌نداڤێن هه‌رێما كوردستانێ هاته‌ كرن، كو ئه‌ڤه‌ چه‌ند هه‌یڤه‌كه‌ هه‌روه‌كو فه‌رمانبه‌رێن هه‌رێمێ نه‌هاتینه‌ هنارتن.