سه‌رۆك وه‌زیرێن ئیراقێ و سه‌رۆكێ ئه‌مریكا ب رێیا ته‌له‌فۆنى په‌یوه‌ندى كر و رێكه‌فتن لێپرسینێ دگه‌ل به‌رپرسێن هێرشێن مووشه‌كى بكه‌ن.
كۆچكا سپى یا ئه‌مریكا به‌لاڤكرییه، مسته‌فا كازمى، سه‌رۆكوه‌زیرێن ئیراقێ و جۆ بایدن، سه‌رۆكێ ئه‌مریكا په‌یوه‌ندییه‌كا ته‌له‌فۆنى كر و ل سه‌ر لێپرسینێ دگه‌ل به‌رپرسێن هیرشێن مووشه‌كى رێككه‌فتن.
كۆچكا سپى دیار ژى كر، هێرشێن مووشه‌كى یێن ڤان داوییان ل سه‌ر ئیراقێ و هه‌ڤپه‌یمانان گۆتوبێژ كرینه و دوپات كرییه كو پێدڤییه لێپرسین دگه‌ل به‌رپرسێن هێرشێن مووشه‌كى بهێته‌كرن.
ژلایه‌كێ دی ڤه مسته‌فا كازمى، سه‌رۆكوه‌زیرێن ئیراقێ دتویته‌كى دا راگه‌هاندییه، وى دگه‌ل بایدنى گۆتۆبێژ ده‌رباره‌ى كارێن خوه كرینه بۆ پشته‌ڤانییا ئه‌منى ل ده‌ڤه‌رێ و به‌رده‌وامییا هه‌ماهه‌نگییان بۆ رووبرووبوونا داعشێ.
پشتى ده‌ستبكاربوونا بایدنى وه‌ك سه‌رۆكێ ئه‌مریكا ئه‌ڤه ئێكه‌م په‌یوه‌ندییا ته‌له‌فۆنییه دگه‌ل به‌رپرسێن ئیراقێ دكه‌ت.
