ئەڤڕۆ چوارشەمبى 2021-2-24 مەسرور بارزانی سەرۆکێ حکومەتا هەرێما کوردستانێ پێشوازی ل ماتیۆ تولەر باڵیۆزی ئەمەریکا ل ئیراقێ کر.
د دیدارەکێ دا ره‌وشا ئیراقێ و گه‌شه‌كرنا زێده‌ترا پەیوەندیێن هەرێما کوردستانێ و ئەمریکا هاتنه گۆتوبێژكرن.
باڵیۆزێ ئەمەریکا پشتگیرییا وڵاتێ خوه بۆ هەرێما کوردستانێ دەربڕی بەرامبەر هەڕەشەیێن ڕێکخراوا تیرۆریستیی، ب تایبەتی پشتى هێرشا تیرۆریستییا باژێرێ هەولێرێ. سوپاسییا هێزێن ئەمنیێن هەرێمێ ژى کر بۆ ژێهاتییا وان و شارەزاییا وان بۆ سه‌ره‌ده‌ریكرنێ د گەڵ هێرشێن تیرۆریستی و پێداچوون و ڤه‌كۆلین ب هەماهەنگیێ د گەڵ هێزێن هه‌ڤپەیمانان.
باڵیۆزێ ئەمریکا ئاماژە ب پێگەها گرنگ و ستراتیژییا هەرێما کوردستانێ کر، ل ڕۆژهەڵاتا ناڤەڕاست وەک هه‌ڤپەیمانییا ویلایەتێن ئێکگرتى یێن ئەمەریکا، گۆت ژى ب هەماهەنگیی د گەڵ حکومەتا فیدراڵ و ھەرێما کوردستانێ، دێ کارکەن بۆ هندێ ئەنجامدەرێن ڤێ هێرشێ باجا تاوانێن خوه بده‌ن.
سەرۆکێ حکومەتێ سوپاسییا پشته‌ڤانییا ئەمریکا و هێزیێن هه‌ڤپەیمانان کر و جەخت ل هندێ ژى كر، کو هەرێما کوردستانێ وەک هەرده‌م فاکتەره‌كێ گرنگێ ئاسایش و سەقامگیریێ بێت ل ده‌ڤه‌رێ.
