ب ئامادهبوونا سهرۆكێ حكومهتا ههرێما كوردستانێ مهسرور بارزانى و ب پشكدارییا گهلهك ژ وهزیران و بهرپرسێن پله بلندێن حكومهتێ رێورهسمێن ڤهكرنا پشكهكا جاددهیا 150 مهترى ل ههولێرێ ب رێڤهچوو، ئهڤ جاده ل سالا 2018 بهرێ بنیاتێ وێ هاتبوو دانان د كابینا بورى یا حكومهتێ دا و كۆمپانییا هێمن گرۆپ یا بهردهوام بوو ل سهر تهمامكرنا پرۆژهى ههتاكو ب دوماهیك ئینایى و بێى كو پارهی ل سهر رێككهفتى وهربگریت، كو بهرپرسێ كۆمپانییا هێمن گرۆپ دیاركرییه، وان رهوشا دارییا ههرێمێ و قهیرانا ئابوورى ل پێشچاڤ وهرگرتییه.
ساسان عهونى وهزیرێ باژێرڤانی و گهشت گۆزارێ راگههاند: ئهو پشكدارن د ڤهكرنا پشكا ئێكێ یا جاددهیا 150 مهترى یا هێلا بازنهیى یا بلهز ل ههولێرێ و جاددهیا 120 مهترى ل سلێمانى، و جاددهیا بارزان ل دهۆكێ و ههموو شیانێن خوه د مهزێخن.
گۆت ژى: گهلهگ ژ جاددهیێن دى یێن ب ڤى شێوهى ههنه، كو ههموو وهك بازنهیهكى پێكڤه نه، ئهڤه ژى دێ كاریگهرییا خوه ل سهر رێكێن بازرگانى ههبیت و پرۆژهیێن ستراتیژى یێن ب ڤى شێوهى بۆ پاشهرۆژا خهلكى یه، ب ههلكهفتا ب داوى هاتنا ڤى پرۆژهی ئهو سوپاسییا باژێرڤانییا ههولێرێ دكهن و ب هاریكارییا حكومهتێ و كهرتێ تایبهت و كۆماپانییا هێمن گرۆپ وان ئهڤ پرۆژه تهمامكرییه و ئهو سوزێ د دهن كو دێ باشتر د خزمهتا خهلكێ دا بن، و ژ شوفێران ژى خواست كو پابهندى رێنمایێن هاتن و چوونێ بن.
