راپۆرتێن رۆژنامەڤانی یێن ئیسپانى، هەلویستێ لیۆنێل مێسی یاریكهرێ یانهیا بارسێلۆنا دهربارەی مانا وى ل گهل بارسا د وەرزێ نوو دا ئاشکرا کرینه، گرێبەستا مێسی ل گەل بارسێلۆنا ل هاڤینا بهێت دا دێ ب دووماهى هێت و ههتا نوكه چ دانوستاندن دناڤبهرا ههردو ئالییان دا نینن بۆ نووکرنا گرێبەستا وى یاریزانى، مێسی پرۆژەكێ وەرزشى یێ ب هێز دڤێت، داكو جارهكا دى بارسیلۆنا ههڤركیێ ل سهر ناسناڤان بكهت.
وان ژێدهران گۆتییه ژى: چ جاران پارە نهبوویه هاندهر بۆ مێسی، هەر چەندە مفایهكێ گهلهك مهزن دگههیتێ، بەلێ د گرێبەستا وى یا نوودا وى داخوازا پاران نهكرییه.
هندهك ژێدهران ل بارسێلۆنا راگەهاندییه، كو نوكه مێسی پتر هزر ل هندێ كرییه ب مینیته د ناڤا رێزێن یانهیا كهتهلۆنى دا، لێ د دهمهكێ دا میدیایێن جیهان بهحسێ هندێ دكهن، كو یانهیا مانچستەر سیتی یا ئینگلیزی و پاریس سانجێرمان یا فرەنسی ب جددی کار دکەن داكو گرێبەستێ ل گهل لیۆنێل مێسی گرێ بدهن.
ههتا نوكه مێسی چ بریار سەبارەت ب داهاتیێ خوه نەداینە، دهمێ جۆزێپ ماریا بارتۆمیۆ سەرۆکێ بارسا بوو، مێسی حهز دكر بچیت، بەلێ پشتى دەست ژ کارکێشانا بارتۆمیۆى نوكه هەموو بژاردە ل ههمبهر مێسی دا دڤهكرینه.
وان ژێدهران جهخت ل سەر هندێ كرییه، چەند گرێبەستێن بێبەرامبەر دێ بنه کلیلا مانا مێسی ل گەل بارسێلۆنا، وەکو یاریكهران جۆرجینیۆ ڤاینالدۆم و سێرجیۆ ئەگوێرۆ، هەروەسا گرێبەستا گرانبەها یا ئێرلینگ هالاند و ماتیاس دیلێخت و کۆندی.
خوان لاپۆرتا بهربژارێ پۆستێ سهرۆكێ یانهیا بهرشهلۆنا بهرى كو ههلبژارتن بهێنه كرن و بگههیته پۆسـتێ سهرۆكاتیێ؛ ئهو ب رهنگهكێ جودا داخازا مانا مێسی ل یانهیا كهتهلۆنى دكهت.
https://twitter.com/ElRonceroDelFCB/status/1365419172038139911?s=20
