کاکەیی ژ مووسلێ هەتا کەرکووکێ د بن گەفان دانە

سەرۆکێ ڕێکخراوا میترا بۆ گەشەپێدان و رەوشەنبیرییا یارسانان ددەتە دیارکرن، كو ئاینێ وان رووبڕووی چەندین گەفان دبیت و هێشتا ئەو گەف ژی دبەردەوامن.

رەجەب کاکەیی سەرۆکێ ڕێکخراوا میترا، بۆ خانی نیوز دیارکر، هێشتا داعش ل سەر ده‌ڤه‌رێن کاکەییان  د مەترسییە و هندەک جاران هێزین ئیراقی ژی نه‌ بەرپرسیارانە سەرەدەریێ ل گەل وان دکەن

کاکەیی ئاماژەدا، خەلکێ کاکەیی ئاوارەبوویه‌ و مەترسییەکا مەزن ل سەر گوندێن وانە، چونکی داعش  ده‌م بۆ ده‌مى هێرشان دکەت.

ب رێکا خانی نیوز رەجەب كاكه‌یی داخوازەکێ ئاراستەیی جڤاکا ناڤدەولەتی دکەت کو جاره‌كا ب رژدى پشته‌ڤانییا پیکهاتەیێن ئیراقێ بكه‌ن، چونکی هێشتا مەترسییا کۆمکوژییان ژ لایێ گرۆپێن توندڕەو ڤه‌ ل سەر هەیە.

خانی نیوز، کاروان باعەدری