هاریكارێ پارێزگارێ مووسلێ دیار كر كو هەر ژ رۆژا جینۆسایدا شنگالێ هەتا ئەڤرۆ 27-2-2021ێ هێشتا ئێك خێزانا زیانڤێكەڤتیێن جینۆسایدا شنگالێ ژلایێ حكومەتا عێراقی ڤە نەهاتییە قەرەبوو كرن. گۆت ژى 50% خەلكێ شنگالێ تاپۆیا خانییان نینن، ئەڤە ژی دێ ئاریشه‌یان بۆ زیانڤێكەڤتیێن جینۆسایدا شنگالێ دروست كەت.
رەفعەت سمۆ، هاریكارێ پارێزگارێ مووسلێ بۆ كارۆبارێن ئیداری بۆ خانى نیوز راگەهاند: نۆكە نڤیسینگەهەك بۆ قەرەبووكرنا زیانڤێكەڤتیێن شنگالێ هاتییە ڤەكرن لێ هەتا ئەڤرۆ 27-2-2021ێ هێشتا گەلەك ژ خەلكێ شنگالێ تاپۆیێن خانییان نینن، چونكى حكومەتا ژناڤچوویا دكتاتور یا ئێراقێ خانیێن ئێزدیان ل سەر ناڤێن وان تاپۆ نەدكرن، ئەڤە دێ زیانێ گەهینتە قەرەبووكرنا وەلاتییان ئه‌گه‌ر داخوازا تاپۆیا خانییان ژ وەلاتییان بهێتە كرن، دێ خەلكێ شنگالێ زەرمەندبیت، لەورا ژی باشترە ئیدارا شنگالێ ل گۆره‌ی رێكەفتنێ بهێتە دانان و دەست ب خزمەتگوزارییان ل شنگالێ بهێتە كرن.
گۆت ژى، خه‌لكێ وان ناحیێن سه‌ر ب قه‌زا شنگالێ و پارێزگه‌ها مووسلێ ڤه گه‌له‌ك زیان ڤێ كه‌فتینه و ئه‌و چاڤه‌رێى بریاره‌كا جڤاتا وه‌زیرێن ئیراقێنه كو بهێنه قه‌ره‌بوو كرن.
رەفعەت سمۆ، گۆتژی: ل ناحیا سنوونێ و گەلەك كۆمەلگەهێن ب سەر ڤە وەلاتییان تاپۆیێن خانییان نینن. نۆكه رێڤەبەرییا تاپۆیێ بۆ شنگالێ ل تەلەعفەرێ هاتییە ڤەكرن ئەڤە ژی یا زەحمەتە بۆ خەلكێ شنگالێ بشێن بچنە تەلەعفەرێ.
