تێشکەکا سەی ب شەش پێیان ژ دایکبوویە

ل ویلایەتا ئوکلاھوما ل ئەمریکا تێشکەکا سەی ژدایک بوویە کو شەش پێ ھەنە، تێشکا سەی مێ یە ناڤێ وێ کریە سکیپەر.

سکیپەر ١٦ ڤێ ھەیڤێ ژ دایک بوویە و نۆکە ل نەخۆشخانا گیانەوەرانە ل باژێرێ ئوکلاھومای چاڤدێری لێ دھێتەکرن، نوژدارێن نەخۆشخانێ دبێژن موعجیزەیە و ئێکەم جارە تێشکە سەیەک شەش پێ ھەبن.
نوژدار ھزردکەن ئەگەرێ ھەبوونا دوو پێ یێن زێدە بۆ ھندێ دزڤریت کو ئه‌و تێشک ل زکێ دەیکا خوه‌ دا بریاربوویە بیتە جێمک، بەلێ دگه‌ل جێمکا خوه‌ ب دروستێ ژێکڤە نه‌بوویە له‌ورا شەش پێ لێ درستبووینە.
ساخلەمییا تێشکا سەی زۆر باشە ھەر شەش پێ یێن وێ دھێنە لڤاندن.