رۆژناما ئاس یا ئیسپانی دیار كرییه، سه‌رۆكێ یانه‌یا ریال مه‌درید فلورینتینۆ پیرێزى دڤێت رافائیل ڤارانێ به‌رگریكار بفرۆشیت و د نوكه دا دانوستاندنێن درێژكرنا گرێبه‌ستا وى به‌رگریكارى ل گه‌ل كارگێریا یانه‌یا ریال مه‌درید وه‌كو پێدڤی ناهێنه ئه‌نجامدان، چونكى وێ یانێ هزر د فرۆتنا وى یاریزانى دا كرییه و نوكه بهایێ وى یاریزانى یێ باشه و ریالێ ژى كوژمێ فرۆتنا وی ب 70 ملیۆن یۆرۆیان دیار كرییه.
وێ رۆژناما ئیسپانى دیار كرییه ژى، ل سالا 2019 دا ریال مه‌درید نێزیك ببوو وى یاریزانێ فره‌نسى بفرۆشیت، به‌لێ ب هاتنا زێدانێ راهێنه‌ر رێك نه‌دا ڤارانى یانا شاهانه بجهبهیلیت.
گرێبه‌ستا ڤارانی ل گه‌ل یانا ریال مه‌درید دێ ل هاڤینا 2022 ب دووماهی هێت و یانێن مانچسته‌ر یۆنایتد و لیڤه‌رپۆل و پاریس سانجێرمان حه‌ز دكه‌ن وى به‌رگریكارى ڤه‌گۆهێزنه ناڤا رێزین خوه.
