مه‌سرور بارزانی، سه‌رۆكێ حكومه‌تا هه‌رێما كوردستانێ راگه‌هاند، گومان تێدا نینه، كوهێرشا مووشه‌كییا سه‌ر بنگه‌هێ سه‌ربازیێ ئه‌مه‌ریكا ل فڕۆكخانه‌یا ناڤده‌وڵه‌تییا هه‌ولێرێ، هێرشه‌كا تیرۆرى بوو.
ئه‌ڤه گۆتنێن مه‌رسرور بارزانی بوون د گه‌ڵ ئاژانسا فرانس24 دا و گۆت: ئه‌و هێرشێن شه‌ڤا 15ی ڤێ هه‌یڤێ هاتینه كرن ل سه‌ر بنگه‌هێن ئه‌سمانیێن هێزێن ئه‌مریكى ل فرۆكخانه‌یا ناڤده‌وله‌تییا هه‌ولێرێ، كو تێدا هژماره‌كا كه‌سان شه‌هید و برینداربوون، گۆمان تێدا نینه كو هێرشه‌كا تیرۆرستى بوو و گۆت ژى: ڤه‌كۆلین ده‌رباره‌یى وێ هێرشێ د به‌رده‌وامن و وان پێنگاڤێن باش هاڤێتینه و زانیاریێن ده‌ستپێكى بۆ وان ده‌ركه‌فتینه، كو چ لایه‌نه‌ك ل پشت ڤێ هێرشێ بوون، بێى هندێ كو ناسناما وى بهێته ئاشكرا كرن.
سه‌رۆكێ حكومه‌تا هه‌رێما كوردستانێ ئاماژه ب هندێ ژى دا، كو رێكخراوا تیرۆرستییا داعشێ هه‌ره‌شه‌یا به‌رده‌وام ل دهڤهرێ دروست كرییه، دیاركر ژى كو داعش مژوویلى خۆ رێكخستنێ یه.
جه‌خت ل هندێ ژى كرییه كو پێدڤییه كۆمه‌لگه‌ها ناڤده‌وله‌تى ب هوویرى چاڤدێرییا چالاكى و به‌ره‌ڤپێشچوونا داعشێ بكه‌ت.
هه‌روه‌سا سه‌باره‌ت په‌كه‌كێ ژى گۆت: پارتا كرێكارێن كوردستانێ به‌رپرسه ژ هاتنا هێزێن توركیا بۆ دهڤهرێ و پێدڤییه چاره‌سه‌رییه‌كا ئاشتیانه بۆ وێ كێشێ بهێته كرن.
سه‌باره‌تی سه‌ره‌دانا پاپا یێ ڤاتیكانێ بۆ هه‌رێما كوردستانێ كو بڕیاره ل حه‌فتییا داهاتی بهێته هه‌رێمێ، مه‌سرور بارزانى ئه‌و سه‌ره‌دانه ژى ب مێژوویی وه‌سف كرد و گۆت: ئه‌و سه‌ره‌دانا پاپایى رێزلێنانه نه‌ك ب تنێ بۆ كریستییانێن دهڤهرێ، به‌ڵكو بۆ پێكڤه ژیانا ئاشتیانه ل هه‌رێما كوردستانێ. مه‌سرور بارزانی هیڤی خواست، ئه‌و سه‌ره‌دانا پاپا فرانسیس ببیته ئه‌گه‌رێ پشته‌ڤانییه‌كا زێده‌تر یا ناڤده‌وڵه‌تی بۆ ئاوارهی‌ێن ناڤخۆیى.
لینكێ دیدارێ:
