وەزیرێ ساخلەمییا ھەرێما کوردستانێ د پرێس کۆنفرانسەکی دا راگەھاند، ھەر نھا تۆمارکرنا ناڤان بۆ وەرگرتنا ڤاکسینێ دژی کۆرۆنایێ ل رێڤەبەریێن ساخلەمیێ دەستپێکرییە.
سامان بەرزنجی دیارکر، ڤاکسینێ سینۆڤارمی یێ چینی ژ ئالیێ حکومەتا ئیراقێ ڤە ھاتییە کرین و نھا ئەو ڤاکسینە برێڤەیە، پشکا ھەرێما کوردستانێ ژ وی ڤاکسینی پێنچ ھزار قورچن، ھەروەسا پشکەک ژ وان ڤاکسینان دێ بۆ وان وەلاتیێن چینێ بیت یێن ل ھەرێمێ دئاکنجی و نێزیکی چار ھزار ڤاکسینان ژی بۆ وەلاتیێن ھەرێمێ نە.
ناڤھاتی گۆت ژی: دھێتە پێشبینیکرن ل دەستپێکا مەھا ئادارێ کاروانەکێ دی یێ ژ ھەمان جۆرێ ڤاکسینی بگەھیتە ئیراقێ و ھەرێما کوردستانێ.
وەزیرێ ساخلەمییا ههرێمێ: نڤێسینا ناڤان بۆ وەرگرتنا ڤاكسینێ دژى كۆرۆنایێ دەستپێكر
