پۆلیسێن نەھێلانا گۆنەھباریان شیان د ماوەیەکێ کورت دا ھژمارەکا کەسان دەستەسەربکەن کو پارێ سەختە ئینابوونە ناڤا بازارێ دھۆکێ
ھێمن سلێمان، بەرپرسێ ڕاگەھاندنا پۆلیسێن نەھێلانا گونەھباریان ل پاڕێزگەھا دھۆکێ تایبەت بۆ خانی نیوز گۆت: پشتی کو ھندەک کەس رابووین ب ئینانا دۆلارێ سەختە بۆ ناڤ بازارێ دھۆکێ، و زانیاری گەھشتینە پۆلیسێن نەھێلانا گۆنەھباریان، وان ب ھەڤکاری دگەل ئاسایشا دھۆکێ و دووڤچوونا بابەتی ھاتییە کرن و بخۆشحالیڤە وان شیا د دەمەکێ کورت دا وان کەسان دەستەسەربکەن و دەست ب سەر ۳ دەفتەرێن دۆلاری یێن سەختە دا بگرن و تاوانبار رادەستی دادگەھێ کرینە.
ھێمن سلێمان گۆت ژی، ئەو داخواز ژ خەلکی دکەن ھەردەما پارەیەکێ سەختە کەفتە بەردەستێ وان ژ ئالیێ ھندەک کەسانڤە ب زووترین دەم بلا نێزیکترین بنگەھێ پولیسێن وان ئاگەھداربکەن دا کو نەبنە تۆمەتبار.
